د هلمند ولایت د یوې لېسې له زدهکوونکو سره د کتابونو او قرطاسیې مرسته وشوه
د الحاج محمد صالو یعقوبي په نوم یو تن علمي شخصیت، د هلمند ولایت کاریز ولسوالۍ اړوند کاریزبزرګ لېسې له ۱۳۰۰ تنو زدهکوونکو سره د قرطاسیې او درسي کتابونو مرسته وکړه.
په دې مرسته کې ۶۵۰۰ ټوکه درسي کتابونه، له پرنټر سره یو پایه کمپیوټر، ۲۰۰۰ قلمونه او ۲۰۰۰ کتابچې شاملې دي.
د هلمند پوهنې رئیس د لېسې له چارواکو وغوښتل چې پورته ذکر شوي درسي کتابونه په شفاف ډول د زدهکوونکو ترمنځ ووېشي او له یاد علمي شخصیت څخه یې د لېسې د زدهکوونکو د ملاتړ له امله مننه وکړه.
