د هېواد د دیني مدارسو د زده کوونکو د سویې د تثبیت په موخه متفرقه آزموینه واخیستل شوه
په ټول هېواد کې د دیني مدارسو د زده کوونکو د سویې د تثبیت آزموینه د کابل ولایت امام ابوحنیفه «رحمه الله علیه» په دارالعلوم کې په ډله ییز ډول واخیستل شوه.
د یادې آزموینې د پیل په مراسمو کې د پوهنې وزارت د اسلامي زده کړو معین الحاج مولوي کرامت الله آخندزاده، د یاد وزارت یو شمېر مسئولینو، د آزموینو ملي ادارې استازي مولوي عرفان الله او یو شمېر استادانو هم حضور درلود.
مسئولينو د يادې آزموينې له بهير څخه د څارنې په ترڅ کې، ګډون والو ته په یاد بهیر کې د پوره روڼتیا ډاډ ورکړ.
دا په داسې حال کې ده، چې شاوخوا دوه اوونۍ وړاندې د هېواد په کچه په بېلا بېلو ولایتونو کې د مدارسو او دارالعلومونو له ۱۳زره زده کوونکو څخه د سویې د تثبیت په موخه آزموینه اخیستل شوې وه.
