د هېواد د ۳۴ ولایتونو د تدارکاتي مدیرانو کاري وړتیاوو لوړولو په موخه ۶ ورځنی ورکشاپ پیل شو
د پوهنې وزارت تشکیلاتو ریاست اړوند د وړتیا لوړولو آمریت له لوري، د کابل ښار په شمول د هېواد د ۳۴ ولایتونو د پوهنې ریاستونو تدارکاتي مدیرانو کاري وړتیاوو لوړولو په موخه روزنیز ورکشاپ، دملي تدارکاتو ریاست د مرستیال شیخ عبدالرحیم رحیمي، اداري لوی رئیس مفتي شفېع الله منصور او یو شمېر نورو مسئولینو په حضور کې پرانیستل شو.
د پوهنې مسئولینو په خپلو خبرو کې د چارو کیفیت لوړولو په برخه کې د ښوونیزو ورکشاپو پر نقش د خبرو ترڅنګ، د تدارکاتي لارښوونو، قوانینو پر پلي کولو او د بیت المال پر ساتنې ټینګار وکړ او اړونده مدیران یې خپلو اساسي مسئولیتونو ته متوجې کړل.
