د ولایتونو له پوهنې څو لنډ خبرونه
- پکتیکا
د پکتیکا ولایت ارګون ولسوالۍ اوسېدونکو د یادې ولسوالۍ له بالش عالي لېسې سره ۱۸۰۰۰ افغانیو مرسته کړې، چې د لېسې په ترمیم او تجهیزاتو کې ولګول شوه.
په ورته وخت کې، د ښوونځيو تعلیمي شورا د یاد ولایت سروبي ولسوالۍ اړوند د علم ګل لومړني ښوونځي زده کوونکو او کارکوونکو ته د څښاک پاکو اوبو رسولو لپاره ۳۰۰۰۰ افغانۍ مرسته وکړه.
- لغمان
د لغمان ولایت قرغه یي ولسوالۍ د تراګر لومړني ښوونځي لپاره د څښاک پاکو اوبو یو حلقه څاه د ۱۰۰۰۰۰ افغانیو په لګښت د لېسې د مدیر ښاغلي نصیب خان په مالي مرسته وکیندل شو.
- لوګر
د لوګر ولایت محمد اغې ولسوالۍ د سرخ آباد عالي لېسې سره د ۵۰۰۰۰ افغانیو مرسته د یادې ولسوالۍ د علم پاله اوسېدونکو لخوا ترسره شوه، چې د لېسې د زده کوونکو لپاره د څښاک پاکو اوبو سیسټم نصبولو کې مصرف شوې ده.
د پوهنې وزارت مشرتابه، ښوونیز نظام سره د خلکو له مادي او معنوي ملاتړ هرکلی او قدرداني کوي.
