د ولایتونو له پوهنې ډګره لنډ خبرونه
![25](/sites/default/files/2023-12/whatsapp_image_2023-11-29_at_3.47.38_pm_2.jpeg)
دایکنډي
د دايکنډي ولايت مرکز اړوند د "جرف او اسکان" کليو يو شمېر مشرانو او ديني علماوو د یاد ولايت له پوهنې رئيس قاري عنايت الله سهار سره وکتل او د خپلو ښوونځيو د اړتياوو په اړه يې وړانديزونه او غوښتنې د دغه ولايت مشرتابه ته وړاندې کړې.
هرات
د هرات پوهنې ریاست رهبرۍ، علماوو، د خصوصي او رسمي ادارو استازو د یو لړ مراسمو په ترڅ کې، د «ساینس ستوري» د علمي سیالیو غوره زده کوونکي د نخبګان عالي لېسې په تالار کې وستايل.
ننګرهار
د ننګرهار ولايت پوهنې رئيس مفتي حبيب حضرت حقاني، د یاد ولايت چپرهار ولسوالۍ د يو شمېر ښوونځيو او دارالاېتامونو له اداري، تدريسي او آزموينې چارو څخه څارنه وکړه.
نوموړي له مسئولينو وغوښتل، تر څو د يتيمانو زده کړو ته چې د شهيدانو امانت دى، جدي پاملرنه وکړي.
سمنګان
د سمنګانو ولايت پوهنې رئيس الحاج مولوي نصرت الله فيضاني، د یاد ولايت خرم او سارباغ ولسواليو ته ولاړ او د ښوونځيو د کلنیو آزموينو د څارنې پرمهال يې، د يو شمېر ښوونځيو د زده کوونکو نصابي، اداري او ښوونيز فعاليتونه له نیږدې و ارزول.
لغمان
په لغمان ولایت کې یوه همکار بنسټ، د یاد ولایت پوهنې ریاست سره په همغږۍ، د شپږ بابه ښوونځیو پر زده کوونکو یو شمېر کتابونه چې د ماشومانو د ښوونې او روزنې کیسې لري ووېشل.