د ولایتونو پوهنې کړنو ته لنډه کتنه
پنجشېر
د پنجشېر ولايت پوهنې رئيس مفتي حبيب الله نوري قتاده، د رخه لېسې د ښوونکو تدريسي بهير له نیږدې وڅاره.
کندهار
د کندهار ولايت پوهنې رئيس الحاج مولوي فخرالدين نقشبندي «د جامعه دارالعلوم حاکميه مدرسې» له ښوونیزو او اداري کړنو څخه ليدنه وکړه او د زده کوونکو د ښوونې او روزنې پر کيفيت يې ټينګار وکړ.
بغلان
د بغلان ولايت پوهنې رئيس الحاج مولوي محمد نورعزيزي، د یاد رياست له کارکوونکو سره وکتل او د ښوونې او روزنې په موضوع يې د خبرو ترڅنګ، له هغوى څخه وغوښتل چې په یو شمېر ولسواليو کې د وروستيو سيلابونو له زيانمنو شویو سره مالي مرستې وکړي.
هلمند
د هلمند ولايت پوهنې رئيس الحاج مولوي محمد عوض انصاري د ياد ریاست د مرکزي څانګو له کارکوونکو سره وکتل، د هغوى ستونزې او وړانديزونه يې واورېدل او د حل ژمنه يې وکړه.
یو ځل بیا له یاد ولایت څخه:
د هلمند ولایت پوهنې رئیس د افغان – ترک ښوونځیو له عمومي مسئول احمد توکر سره وکتل او په دغه ولایت کې یې د یادو ښوونځیو د کړنو په تړاو تفصیلي خبرې وکړې.
