د پوهنې اړوندو ولایتي خبرونو لنډیز
بدخشان
د بدخشان ولایت د مرکز شورابه منځني ښوونځي شورا د خپلې بوديجې او د خلکو د مرستو په مټ د ۲۳۷ زره افغانیو په لګښت د یاد ښوونځي په انګړ کې دوه درسي ټولګي جوړ کړل.
هلمند
د هلمند ولایت پوهنې رئیس الحاج مولوي محمد عوض انصاري، ویلي چې، د ښوونکو د مسلکي وړتیاوو لوړولو په موخه د مرکز او ولسوالیو ۷۲ تنو ښوونکو ته پنځه ورځنی ښوونیز ورکشاپ پیل شوی دی.
غور
يوې همکارې ادارې، د غور ولایت د مرکز او ولسوالیو ښوونځیو ته د خوراکي توکو / بيسکوېټ وېشلو لړۍ پیل کړې ده.
