د پوهنې وزارت او افغان پسټ ا.مارتي شرکت ترمنځ د همکاریو هوکړه لیک لاسلیک شو
د پوهنې وزارت او افغان پسټ ا.مارتي شرکت ترمنځ، د یاد وزارت د منسوبینو، زده کوونکو او مراجعینو لپاره د شهادتنامو او نورو مهمو تحصیلي اسنادو لاسرسي په برخه کې د لا زیاتو آسانتیاوو برابرولو په موخه، د دوه اړخیزو همکاریو هوکره لیک بیاځلې تمدید او لاسلیک شو.
ياد هوکړه لیک د پوهنې وزارت له لوري د سرچينو او ادارې د معین الحاج مولوي صبغت الله وصیل او د افغان پسټ ا.مارتي شرکت له لوري د یاد شرکت د رئیس مولوي رحمت الله مکي له خوا لاسليک شو.
د افغان پسټ شرکت رئیس د هوکړه لیک د محتوا په اړه ګډون والو ته معلومات ورکړل او زیاته یې کړه، د دغه هوکړه لیک پر بنسټ افغان پسټ شرکت ژمن دی، چې د ښوونځیو فارغانو ته د شهادتنامو او د پوهنې وزارت نورو مراجعینو ته په مرکز او اړوندو ولایتونو کې د اړتیا وړ اسنادو ته د لاسرسي آسانتیا برابره کړي.
ورپسې د پوهنې وزارت د سرچینو او ادارې معین له پوهنې سره د یاد شرکت د همکاریو قدرداني وکړه او له هغوی یې مننه وکړه.
همدارنګه نوموړي له مسئولینو وغوښتل، چې فارغارنو ته دې لازیاتې آسانتیاوې برابرې کړي، تر څو د هغوی د وخت له ضایع کېدو او سرګردانۍ څخه مخنیوی وشي.
