د پوهنې وزارت تخنیکي پلاوي له بدخشان ولایت څخه لیدنه وکړه
د پوهنې وزارت تخنیکي پلاوي د یاد وزارت د خدماتو ریاست د ساتنې او مصئونیت د آمر محترم مولوي امین الله امین په مشرۍ بدخشان ولایت ته رسمي سفر وکړ.
دغه پلاوي د یاد ولایت د پوهنې ریاست له رهبرۍ او کارکوونکو سره تر لیدنې وروسته، د همدغه ریاست د اسنادو برېښنایي ثبت او حساب ورکولو سیسټم څارنه او ارزونه وکړه او په بېلابېلو څانګو کې یې منسوبینو ته اړینې لارښوونې وکړې.
دغه راز هغوی د یاد سیسټم ځینې ستونزې او نیمګړتیاوې هم په ګوته کړې او د حل لپاره یې مناسبې پرېکړې وشوې.
