د پوهنې وزارت دښوونې او روزنې معینیت پلاوي د بامیان ولایت له پوهنې رئیس سره وکتل
د پوهنې وزارت د ښوونې او روزنې معینیت پلاوي په مرکز او یو شمېر ولایتونو کې د ښوونکو د مسلکي پراختیا غړو د کړنو او وړتیا لوړولو څارنې لپاره بامیان ولایت ته سفر وکړ او د یاد ولایت له پوهنې رئیس محترم قاري عنایت الله سهار سره یې ولیدل.
په یاده غونډه کې دواړو خواوو د ښوونکو د مسلکي پراختیا غړو د وړتیا لوړولو او پیاوړتیا په اړه هراړخیز بحث وکړ.
د پوهنې رئیس پلاوي ته د ښه راغلاست پرمهال زیاته کړه، په بامیان ولایت کې ټول تعلیمي فعالیتونه د پوهنې وزارت د لارښوونو او اصولو سره سم ترسره کېږي او دا یو ډېر ښه اقدام دی چې د دغه ولایت د ښوونکو د مسلکي پراختیا غړي ارزول کېږي، ځکه چې ټول ورکشاپونه او سیمینارونه د قانون او مقرراتو سره سم تنظیم شوي ترڅو د دوی وړتیاوې او لارښوونې په سمه او مسلکي توګه لاپسې وده وکړي او د یاد ولایت پوهنې ریاست د تعلیمي پراختیا او ظرفیت لوړولو پروګرامونو لپاره ټولې هڅې کوي.
