د پوهنې وزارت د اساسي او ثانوي زده کړو ریاست پلاوي نورستان او هلمند ولایتونو ته رسمي سفرونه وکړل
![لبسی](/sites/default/files/2023-11/whatsapp_image_2023-11-27_at_11.57.01_am.jpeg)
د پوهنې وزارت د اساسي او ثانوي زده کړو رياست پلاوي نورستان او هلمند ولايتونو ته د خپلو رسمي سفرونو په ترڅ کې، د يادو ولايتونو د پوهنې مشرتابه سره په کتنو کې، د پوهنې رياستونو پر مهمو تدريسي، اداري او بوديجې پر مسائیلو هر اړخیزې خبرې وکړې.
ياد پلاوي د خپلو سفرونو موخه، د پوهنې رياستونو د ستونزو، کړنو، لاسته راوړنو څېړل وبلل او په يادو برخو کې يې له مسئولينو د همکارۍ غوښتنه وکړه.
د نورستان پوهنې ریاست سرپرست سید رسول عابد، د پوهنې وزارت د اساسي او ثانوي زده کړو ریاست پلاوي ته د ښه راغلاست ترڅنګ، د پوهنې په برخه کې د دندو، لاسته راوړنو او ننګونو د شریکولو په ترڅ کې، د همکارۍ او لازمو آسانتیاوو برابرولو ژمنه وکړه.
دغه راز د هلمند ولایت پوهنې ریاست مشرتابه هم خپل کاري راپور له پلاوي سره شریک کړ.
همدارنګه پلاوي د ابن حبان بستي لېسې په ګډون د هلمند ولایت له یو شمېر نورو ښوونځیو څخه هم لیدنه وکړه.