د پوهنې وزارت د استخدام رئیس د ننګرهار ولایت له پوهنې رئیس سره وکتل
د پوهنې وزارت د استخدام رئیس مولوي محمد صادق، چې په یو رسمي سفر ننګرهار ولایت ته تللی، د یاد ولایت له پوهنې رئیس مولوي عزیزالله مصطفی او مسؤلینو سره وکتل.
دواړو لوریو د ځينو مدارسو او ښوونځيو د جلا کولو په اړه چې د ښځينه او نارينه زده کوونکو له خوا په ګډه کارول کېږي او يا په هغو مدارسو او ښوونځيو کې چې ښځينه او نارينه ښوونکي پکې په ګډه د تدريس چارې پرمخ وړي، هراړخيزې خبرې اترې وکړې او پرېکړه وشوه، چې پلاوى به له دغه ډول ښوونیزو بنسټونو څخه هم ليدنه وکړي.
له بلې خوا د ننګرهار پوهنې رئيس په دې برخه کې د آسانتياوو برابرولو ژمنه وکړه.
