د پوهنې وزارت د تحقیقاتو نوی رئیس معرفي شو
د پوهنې وزارت د کیفیت تضمین معین الحاج مولوي عبدالخالق صادق په داسې حال کې چې د یاد وزارت یو شمېر مرکزي رئیسانو او د تحقیقاتو ریاست کارکوونکو هم حضور درلود، مولوي سید حفیظ الله آغا د پوهنې ریاست د تحقیقاتو د رئیس په توګه معرفي کړ.
د پوهنې وزارت د تحقیقاتو د نوي رئیس د پېژندګلوۍ پر مهال، د کیفیت تضمین معین د کارکوونکو پر کاري نظم او ډسپلین د ټینګار ترڅنګ، د مسئولینو دندې امانت وګڼلې او د تحقیقاتو نوي رئیس ته یې د بریالیتوب هیله وکړه.
ورپسې د همدغه وزارت د تحقیقاتو رئیس مولوي سید حفیظ الله آغا هم د پوهنې وزارت د رهبرۍ له باور څخه د مننې په ترڅ کې ژمنه وکړه، چې د مسلکي پوهې او کاري تجربې څخه په استفادې سره به پخپلو ورځنیو چارو کې نه ستړې کېدونکې هلې ځلې کوي.
غونډه دعائیې په لوستلو سره پای ته ورسېده.
