د پوهنې وزارت د دعوت او ارشاد ریاست له کړنو «اوونیز راپور»
له شنبې/۱۴۴۷/۴/۴هجري قمري تر پنجشنبې ۱۴۴۷/۴/۹هجري قمري، (د تلې میاشتې له ۵ مې تر ۱۰مې نېټې پورې۱۴۰۴ لمریز کال)
تېره اوونۍ د پوهنې وزارت د دعوت او ارشاد د رئیس محترم الحاج مولوي جمعه خان "سروري" په لارښوونه، د یاد وزارت د مرکزي هستې ټولو کارکوونکو ته د دعوت او ارشاد درسونه په نورمال ډول روان وو.
په ورته مهال د کابل ښار او د ولایتونو له پوهنې ریاستونو څخه لاس ته راغلي راپورونه ښیي چې، په تېره اوونۍ کې له ټاکل شوي مهالوېش سره سم د تعلیمي مرکزونو اړوندو کارکوونکو ته د دعوت اوارشاد درسونو لړۍ روانه وه؛ لکه د پخوا په څېر په مرکزي هسته کې د یو شمېر ریاستونو د کارکوونکو حال له نږدې وارزول شو او هغوی ته لازمې توصیې وشوې.
