د پوهنې وزارت د دعوت او ارشاد ریاست پلاوي د لوګر ولایت له پوهنې مسئولینو سره وکتل
د مولوي محمد نعیم عمیر په مشرۍ د پوهنې وزارت د دعوت او ارشاد ریاست پلاوي په داسې حال کې چې د لوګر ولایت پوهنې رئیس الحاج عبدالرحمن حمیدي هم حضور درلود؛ د یاد ولایت د ښوونځیو د اداري او تدریسي څانګو ۳۰۰ تنو کارکوونکو ته یوه اصلاحي غونډه دایره کړه. په دغه غونډه کې یاد پلاوي د پوهنې کارکوونکو ته په خطاب کې د شرعي مسایلو په بیانولو سره له هغوی وغوښتل، تر څو خپل صورت او سیرت د اسلام د ستر پیغمبر حضرت محمد «صلی الله علیه وسلم» په سنتو برابر او له مراجعینو سره نېک چلند ترسره کړي. .له بلې خوا د لوګر پوهنې رئیس ياد ولايت ته د ورغلي پلاوي له سفر څخه د هرکلي ترڅنګ، د دعوت او ارشاد ریاست د ټولو لارښوونو او پلانونو د پلي کېدو ډاډ ورکړ.
