د پوهنې وزارت د مالي بودیجې د کمېټې کاري غونډه جوړه شوه
د پوهنې وزارت د مالي بودیجې د کمېټې غونډه، د یاد وزارت د سرچینو او ادارې د معین مولوي صبغت الله وصیل په مشرۍ جوړه شوه. په یاده غونډه کې د پوهنې وزارت د مالي او حسابداري رئیس، کارپوهانو او د یاد وزارت د یو شمېر نورو څانګو رئیسانو او مسئولینو هم حضور درلود. غونډه د الهي کلام د څو مبارکو آیتونو په تلاوت سره پيل شوه او ورپسې د عرفان، بخوان و بیندش مجلو د چاپ په موخه د بوديجې په ټاکلو، د وزارت په دفترونو کې د امنيتي کمرو د نصبولو، تخنیکي وسایلو او د ۱۴۰۳ کال د بودیجې اړوند یو شمېر نورو مهمو مسایلو په تړاو هر اړخیز بحثونه ترسره او لازم تصمیمونه ونیول شول. غونډه د دعائیې په لوستلو سره پای ته ورسېده.
