د پوهنې وزارت د کیفیت تضمین معین د کابل ولایت له پوهنې ریاست څخه لیدنه وکړه
د پوهنې وزارت د کیفیت تضمین معین الحاج مولوي عبدالخالق صادق د اداري او تدریسي وضعیت ارزونې په موخه، د کابل ولایت پوهنې ریاست ته ولاړ او د یاد ریاست له بېلابېلو څانګو څخه یې د لیدنې سربېره له مسئولینو او آمرینو سره له نږدې وکتل.
د پوهنې وزارت معین مسئولینو او کارکوونکو ته لارښوونه وکړه، چې ورسپارل شوې دندې په صادقانه توګه ترسره او د هېواد بچیانو لپاره د زده کړو آسانتیاوې برابرې کړي.
همدارنګه نوموړي له اړونده چارواکو سره د ځینو ستونزو لکه: د پوهنې ریاست لپاره د مناسبې ودانۍ نشتوالی او د اداري اسنادو خوندي کولو لپاره د الماریو په تړاو نظرونه تبادله او د حل په برخه کې یې د همکارۍ ژمنه وکړه.
