د پوهنې وزارت ستر سلاکار د رسمي پلاوي په مشرۍ بدخشان ولایت ته ورسېد
د پوهنې وزارت ستر سلاکار محترم الحاج مولوي سید غیاثالدین آغا، د یوه رسمي پلاوي په مشرۍ بدخشان ولایت ته سفر وکړ او هلته یې د یاد ولایت له پوهنې رئیس محترم الحاج مولوي محمد طاهر جواد سره وکتل.
ټاکل شوې ده چې یاد پلاوی د بدخشان ولایت د مرکز او پنځو ولسوالیو د پوهنې له آمریتونو څخه لیدنه وکړي او هلته له نږدې د مسئولینو او زدهکوونکو سره وګوري.
یاد سفر د وزارت او ولایتي پوهنې ریاستونو ترمنځ د همغږۍ پیاوړتیا، د ښوونیز وضعیت ارزونې او د روانو تعلیمي پلانونو د څېړنې په موخه تنظیم شوی دی.
