د پوهنې په برخه کې د غزني ولایت د خلکو ملاتړ دوام لري
د غزني ولایت قره باغ ولسوالۍ اړوند د بهادرګي کلي معارف دوسته خلکو له خپلو شخصي پیسو څخه د ۴۰۰ زره افغانیو په لګښت، د مصدر العلوم او شېرخان لېسو د اوبو رسولو سیسټمونه فعال کړل.
په همدې حال کې د یاد ولایت د اندړو ولسوالۍ علم پروره خلکو د ۱۱۰ زره افغانیو په لګښت د نوح بابای لېسې د اوبو رسولو سیسټم جوړ کړ، چې د پوهنې وزارت رهبري د یادو ولسوالیو د خلکو له ملاتړ څخه مننه کوي.
