د پکتیا ولایت دیني مدارسو مدیرانو لپاره د اداري اسنادو لارښود سیمینار جوړ شو
د پکتیا ولایت پوهنې ریاست کارکوونکو مدیریت له خوا، د یاد ولایت د دیني مدارسو مدیرانو او مهتممینو لپاره "د دیني مدارسو د مدیرانو او مامورینو لپاره د ځانګړو اداري مکاتیبو لارښود" تر سرلیک لاندې یو ورځنی سیمینار ترسره شو.
په یاد پروګرام کې به ګډونوالو ته د اداري اسنادو او مکاتیبو ډولونه، فورمې، جوړښت او د مکاتیبو لیکلو طریقې په څېر موضوعات تدریس شي.
د پکتیا ولایتي مسئولینو د یاد پروګرام هرکلی وکړ او دا یې د تعلیمي چارو په پرمختګ، د ټولنې د زیربناوو د پراختیا او ودې لپاره مهم او ارزښتناک وباله.
د پوهنې چارواکو د داسې ورکشاپونو جوړول د پوهنې لاپراختیا لپاره ګټور وګڼل او د ورکشاپ له ګډونوالو یې وغوښتل چې د ورکشاپ له سرچینو څخه اعظمي ګټه پورته کړي.
