د کابل له پوهنې ریاست څخه د یوې ورځې د فعالیتونو لنډ راپور

media-moe
سه‌شنبه ۱۴۰۱/۱۱/۱۱ - ۱۱:۵۱
د کابل له پوهنې ریاست څخه د یوې ورځې د فعالیتونو لنډ راپور

د OCCD موسسې مسوولینو د کابل ولایت د سروبي ولسوالۍ د پوهنې آمر مولوي عبدالله عابد سره په لیدنه کې د دې ولسوالۍ په لرو پرتو سیمو کې د ۵۰ سیمه ییزو او چټکو زده کړو ټولګیو د جوړولو خبره وکړه او په دې برخه کې یې د همکارۍ غوښتنه وکړه.
د يادې شوې ولسوالۍ د پوهنې آمر د يادې ادارې د دې پروژې د هرکلي ترڅنګ له دوى سره د هر ډول مرستو ژمنه وکړه.

د خاکجبار ولسوالۍ د پوهنې آمر مولوي صلاح الدين ايوبي د يادې ولسوالۍ د ښوونځيو او مدارسو له آمرینو او مديرانو سره د ليدنې پر مهال د  ۱۴۰۲ ل.ل د نوي تعلیمي کال لپاره د يادې ولسوالۍ د ښوونځيو او مدارسو د ستونزو د حل پر لارو چارو خبرې وکړې.
همدارنګه:
 د دې غونډې په جریان کې د OCCD موسسې درې تنه نوي ګمارل شوي سیمه ییز کارکوونکي د يادې ولسوالۍ د پوهنې مسوولينو ته ور وپېژندل شول.
د کابل ولایت د چهارآسیاب ولسوالۍ د پوهنې آمریت مسوولینو د دې ولسوالۍ د دولتي او خصوصي ښوونځیو له مدیرانو سره غونډه وکړه، د ځینو اداري اسنادونو د اجراآتو او د پوهنې د بهیر د ښه والي په اړه یې له هغوی سره خبرې او مشورې وکړې.

د پوهنې آمر مولوي شاکرالله حیدر او د کابل ولایت د چهاراسیاب ولسوالۍ د تعلیمي څارنې آمر محمد فهیم زماني د دې ولسوالۍ په اوونیزه غونډه کې ګډون وکړ او د خپلو فعالیتونو او راتلونکو پلانونو په اړه یې خبرې وکړې.

د کابل ولایت د پوهنې ریاست د رهبرۍ د پرېکړې پر اساس، د دغه ولایت د سروبي ولسوالۍ اړوند له دولسم ټولګي څخه  ټولو فارغو ښوونکو ته لارښوونه شوې، چې د دې ولسوالۍپه دارالمعلمین کې د خپلې علمي کچې د لوړولو په موخه نوم لیکنه وکړي.

تازه خبرونه

دوشنبه ۱۴۰۳/۱/۲۰ - ۱۲:۳۸
Background image

د پوهنې خبرونو ته لنډه کتنه

میدان وردګ
د پوهنې وزارت اړوند مسئولینو، د میدان وردګ ولایت په جلریز ولسوالۍ کې شاوخوا یو جرېب ځمکه چې د معارف ملکیت ؤ، له فرصت طلبه کسانو بېرته خلاصه او د یاد وزارت په ملکیت کې یې ثبت. . .

دوشنبه ۱۴۰۳/۱/۲۰ - ۱۲:۳۵
Background image

د ولایتونو له پوهنې ډګره د ځینو خبرونو لنډیز

غزني
د غزني ولایت پوهنې ریاست د افغانستان.ا.ا. له م.جاهدینو څخه د سویې د تثبیت په موخه آزموینه واخیستله.
په پام کې ده، چې د آزموینې بریالي کسان به د ښوونځيو په یوولسم او دولسمو ټولګیو. . .

دوشنبه ۱۴۰۳/۱/۲۰ - ۱۲:۲۹
Background image

په تخار ولایت کې د سویې د تثبیت آزموینه واخیستل شوه

د تخار ولایت پوهنې ریاست د افغانستان.ا.ا. له یو شمېر هغو م.جاهدینو څخه د سویې د تثبیت په موخه آزموینه واخیستله، کوم چې د .ج.هادي بوختیاوو له امله د زده کړو له بهیره وروسته پاتې شوې وو.
. . .

BACK TO NEWS