د کرنې اوبولګولو او مالدارۍ وزارت له لوري پوهنې وزارت ته ۵۰ جرېبه ځمکه ولېږدول شوه
په هغه غونډه کې چې د پوهنې وزارت د ودانیو او ملکیتونو د ساتنې او د کرنې او مالدارۍ وزارت د ځمکو لوی ریاست د ځمکو د لېږد او وېش د رئیسانو ترمنځ جوړه شوې وه، د ا.ا.ا. مشرتابه عالي مقام له حکم سره سم، د کرنې اوبو لګولو او مالدارۍ وزارت لخوا په رسمي ډول د ارزګان ولایت په مرکز ترینکوټ کې ۳۰ جرېبه ځمکه پوهنې وزارت ته د یوې دیني مدرسې جوړولو لپاره ولېږدول شوه.
د یادې ځمکې اسناد د کرنې وزارت د ځمکې د لېږد او وېش برخې د آمر او د یاد ریاست د کفیل محترم مولوي محمد فاروق امرخېل او د پوهنې وزارت د ودانیو او ملکیتونو د ساتنې د رئیس محترم مولوي سمیع الحق حماس لخوا لاسلیک او په رسمي ډول وزارت ته وسپارل شول.
د پوهنې وزارت مشرتابه د تعلیمي او پرمختیایي پلانونو او پروګرامونو لپاره د رسمي ادارو او د افغانستان علمپروره خلکو له ملاتړ څخه مننه او قدرداني کوي.
