د ۱۴۰۳ کال له پیل څخه تر اوسه پورې د سید آباد ولسوالۍ علم پروره خلکو له پوهنیز نظام سره ۷ مېلیونه افغانۍ مرسته کړې ده
د ميدان وردګ ولايت پوهنې مسئولين وايي، د یاد ولايت د سيدآباد ولسوالۍ سوداګرو او معارف دوسته خلکو د ۱۴۰٣ لمريز کال له پيل څخه تر اوسه پورې د دغه ولايت له پوهنې سره ٧ مېليونه افغانۍ مرسته کړې ده.
د دوی په وينا، يادې مرستې د ښوونځيو په ترميم، د درسي ټولګيو په جوړولو، د څښاک پاکو اوبو د څاګانو په کيندلو، د اوبو رسولو د سيسټم په فعالولو، د لمريزې برېښنا د شبکو په نصبولو، د يو شمېر ښوونځيو د لابراتوارونو او کمپيوټر خونو په سمبالولو او داسې نورو برخو کې لګول شوې دي.
د پوهنې وزارت رهبري د میدان وردګ ولایت د سیدآباد ولسوالۍ له اوسېدونکو د دغو مرستو له امله مننه کوي.
