د ۱۴۰۴ لمریز کال پرمهال، په پنجشېر ولایت کې ۱۹ بابه تعلیمي پروژې بشپړې شوې، چې نږدې ۴ مېلیونه افغانۍ لګښت پرې راغلی
د پنجشېر ولایت پوهنې ریاست څخه ترلاسه شوي راپورونو ښیي چې، په ۱۴۰۴ لمریز کال کې د پوهنې وزارت له بودیجې څخه د مدارسو او ښوونځیو احاطوي دېوالونو جوړولو او یو شمېر نورو برخو په ګډون ۱۹ بیارغونې پروژې ترسره شوې او د هغوی د بیارغونې کارونه مرحله په مرحله بشپړ شوي دي.
د پوهنې چارواکو په وینا، د پورته ذکر شویو پروژو لګښت ۳ مېلیونه، ۸۲۲ زره او ۳۹۰ افغانۍ راغلی دی.
