له ولایتونو څخه د پوهنې څو لنډ خبرونه

لغمان او لوګر
د لغمان او لوګر ولایتونو د پوهنې ریاستونو روزونکو په هغې غونډه کې چې د یادو ریاستونو د آمرینو او مدیرانو په ګډون جوړه شوې وه، د پوهنې وزارت له لوري منظور شوي عملیاتي پلانونه ګډون والو ته تشرېح کړل او هغوی ته یې لازم توضېحات ورکړل.

بغلان
د بغلان پوهنې ریاست، د استادانو د بستونو ډکولو په موخه، له ۱۷۱تنه نوماندانو څخه د آزاد رقابت آزموینه واخیسته.
په پام کې ده، هغه کسان چې معیاري نمرې ترلاسه کړي، د یاد ولایت په مدارسو او دارالعلومونو کې به د استادانو په توګه وګمارل شي.

کندوز  
د "رمضان کپ" فوټسال ټورنمنټ چې د ۱۴۰۳ ښوونیز کال د پیل په مناسبت د کندز ولایت د پوهنې ریاست د بدني روزنې او سپورت مدیریت له لوري د ۸ بابه ښوونځیو او مدارسو د ۱۴ کلنو کم عمره لوبغاړو د لوبډلو ترمنځ پیل شوی وو، د شېرخان لېسې په بریا او د خالد بن ولید مدرسې په نائب اتلولۍ سره پای ته ورسېد. 

سرپل
د سرپل ولایت پوهنې ریاست د ښوونکو د بستونو ډکولو لپاره له ۱۴۶ کسانو څخه ډله ییزه آزموینه واخیسته. 
د پوهنې مسئولین وايي: "هغه کسان چې معیاري نمرې ترلاسه کړي، په ښوونځیو کې به د ښوونکو په توګه وګمارل شي.