په بدخشان ولایت کې د یو باب ښوونځي لپاره ۸ درسي خونې جوړې شوې
د بدخشان ولایت شغنان ولسوالۍ اړوند د شیخا اړوند سیمې منځني ښوونځي لپاره ۸ درسي خونې د ۴۵۰ زره افغانیو په لګښت، د ښوونځي د کارکوونکو او د سیمې د خلکو په مالي ملاتړ، په یوه وقف شوې ځمکه کې(چې ۶ بسوې مساحت لري) جوړې شوې. یادې درسي خونې د یوې غونډې په ترڅ کې، چې د همدغې ولسوالۍ پوهنې مسئولین هم پکې حاضر شوي وو افتتاح او ګټې اخیستنې ته وسپارل شوې.
د بدخشان ولایت پوهنې رئیس محترم الحاج مولوي محمد طاهر جواد، د دغو درسي خونو جوړېدل د لېرې پرتو سیمو د تعلیمي وضعیت لاښهوالي په برخه کې ارزښتناک ګام وباله او د ښوونې او روزنې په برخه کې یې د سیمې د خلکو له ژمنتیا څخه مننه او قدرداني وکړه.
