په دايکنډي ولايت کې یو باب دیني مدرسه تاسیس شوه
د دایکنډي ولایت مرکز نیلي ښار کې «د شهید رهنما» دیني مدرسه د پوهنې ریاست د مسئولینو، دیني علماوو او د سیمې د خلکو په ګډون پرانیستل شوه.
د پوهنې رياست مشرتابه د يادې دیني مدرسې له جوړېدو څخه د خوښۍ څرګندولو ترڅنګ يادونه وکړه، چې دغه مدرسه د پوهنې وزارت له لوري د سيمې د خلکو په غوښتنه تاسیس شوه.
د زده کوونکو د والدينو په استازیتوب یو تن د سیمې اوسېدونکي مولوي رحماني د ديني علومو د زده کړې لپاره د دغه ښوونیز بنسټ پرانيستل يو ښه او ارزښتناک قدم وباله او د پوهنې له وزارت څخه يې مننه او قدرداني وکړه.
