په دایکنډي ولایت کې د سویې د تثبیت آزموینه واخیستل شوه
د دایکندي ولایت د پوهنې ریاست له لوري په مرکز نیلي ښار کې د افغانستان.ا.ا. له یو زرو ۳۰۰ تنه م.جاهدینو څخه د سویې د تثبیت په موخه آزموینه واخیستل شوه او په پام کې ده چې د آزموینې بریالي نوماندان به د هغوی له ښوونیزې سویې سره سم د ښوونځيو په لسم او يوولسمو ټولګیو کې شامل شي.
د دایکنډي پوهنې رئيس قاري عنايت الله سهار په ياده آزموينه کې د نوماندانو ګډون وستايه او زیاته يې کړه، د دغې آزموينې ګډون وال د خپلو جهادي بوختیاوو له امله نه دي توانېدلي، چې خپلې زده کړې بشپړې کړي.
د ياد ولايت والي الحاج مولوي نجيب الله رفېع هم له م.جاهدينو وغوښتل، تر څو د علم په حاصلولو او هېواد ته د صادقانه خدمت په کولو سره جدي هڅې وکړي.
