په غزني ولایت کې د یوې دیني مدرسې جوړولو کار پیل شو
د غزني ولایت په قره باغ ولسوالۍ کې د "احیاء العلوم" مدرسې جوړولو کار پیل شو.
د پوهنې چارواکو په وینا: یاده پروژه چې د ۲.۵ مېلیونه افغانیو لګښت به ولري، د دوو خیرخواهانو او سوداګرو، مولوي محمد امین وقاد او حاجي جبار په مالي ملاتړ سره به په دوو پوړونو کې جوړېږي، چې په کې درسي خونې، غونډو تالار، پخلنځی، د ډوډۍ خوړلو خونه، داوداسه اسانتیاوې او د څښاک پاکو اوبو او برېښنا منظم سیسټمونه شامل دي.
د یادونې وړ ده چې د دغې پروژې په بشپړېدو سره به د قره باغ ولسوالۍ سلګونو تنو طلابو ته معیاري تعلیمي اسانتیاوې برابرې شي.
