په غزني ولایت کې د یو باب ښوونځي جوړولو چارې روانې دي
د غزني ولایت پوهنې مسئولینو د معلوماتو له مخې، په جاغوري ولسولۍ کې د داوود زیرک ښوونځي جوړونې کارونه ۸۵سلنه بشپړ شوی او په پلان کې ده، چې په نږدې راتلونکي کې پرانیستل شي.
یاد ښوونځی په ۵ جرېبه ځمکه جوړېږي او درې پوړه به ولري.
په دغه نوې ودانۍ کې ۲۸ ټولګي، ۲ اداري خونې، کتابتون، لابراتوار، لوی تالار او مجهز سپورټي لوبغالی شامل دی.
د دې پروژې ټولیز لګښت شاوخوا ۲۲ مېلیونه افغانۍ اټکل شوی او په بشپړېدو سره به یې شاوخوا ۸۰۰ تنو زدهکوونکو ته مناسب تعلیمي چاپېریال برابر شي.
