په لوګر ولایت کې د یو شمېر مدارسو او ښوونځيو بیارغونې په موخه تدارکاتي چارې پیل شوې
په پام کې ده، چې ډېر ژر په لوګر ولایت کې د ۱۵ بابه ښوونځیو،۳ بابه دیني مدارسو او یوې اداري ودانۍ د بیارغونې او ترمیم چارې په رسمي ډول پیل شي.
د لوګر پوهنې ریاست مسئولین وايي، د یادو پروژې لګښت د پوهنې وزارت له بودیجې څخه ورکول کېږي، چې په پایله کې به یې د پوهنې لسګونو تنو کارکوونکو ته د کار کولو پر مناسب ځای سربېره د مدارسو شاوخوا ۱۰۰۰ تنو طالب العلمانو او د ښوونځيو ۷۵۰۰ تنو زده کوونکو ته د زده کړو لپاره مناسب چاپېریال برابر شي.
د پوهنې مسئولينو او زده کوونکو د پوهنې وزارت له دغه اقدام څخه خوښي څرګنده کړه.
