په لوګر ولایت کې د یو لومړني ښوونځي جوړولو لپاره ځمکه وقف شوه
د لوګر ولایت د مرکز پل علم ښار اړوند د جبارخېل کلي یو تن معارف دوست شخصیت، سیف الرحمن حنیف زاده خپله یو جرېب ځمکه معارف ته وقف کړه.
د پوهنې رياست د مسئولينو د معلوماتو له مخې، د یادې ځمکې بيه شاوخوا ۱۰۰زره افغانۍ ده، چې د احرار لومړني ښوونځي جوړېدو په موخه، پوهنې رياست ته ورکړل شوې ده.
د يادونې وړ ده، چې د دغه ښوونځي په جوړېدو سره به د ياد کلي ۲۰۰ تنو ماشومانو ته د زده کړو خوندي چاپېریال برابر شي.
د پوهنې وزارت مشرتابه د دغه علم پرور هېوادوال له مرستو مننه کوي.
