په لوګر ولایت کې د ۷ با به ښوونځیو نوې ودانۍ پرانیستل شوې
د لوګر ولایت په برکي برک، چرخ او خروار ولسوالیو د ۷ بابه ښوونځیو لپاره نوې ودانۍ، د یوې همکارې ادارې په مالي ملاتړ سره د ۷۵ مېلیون افغانیو په ټولیز لګښت جوړې شوې، چې د پوهنې رهبرۍ، د ولایتي ادارې د چارواکو، نورو سیمه ییزو ادارو او د یو شمېر علماءکرامو په جضور کې په رسمي ډول ګټې اخیستنې ته وسپارل شوې.
پورته ذکر شوې ودانۍ، چې په اساسي ډول جوړې شوې دي، هره یوه یې شپږ درسي ټولګي، یوه اداري خونه، سل سېټه مېزونه-څوکۍ، د څښاک پاکو اوبو منظم سیسټم، لمریزې برېښنا شبکه، تشنابونه او نورو اړین لوازم لري.
د لوګر ولایت پوهنې چارواکو په وینا، د دغې ودانیو په رغېدلو سره، د دې ښوونځیو له ۲۱۰۰ څخه زیاتو زدهکوونکو سالم ښوونیز چاپېریال رامنځته شو.
د پوهنې مسئولینو، یو شمېر سیمه ییزو چارواکو او دیني علماءکرامو په خپلو ویناوو کې د پوهنیز وضعیت لاښه والي په برخه کې د پوهنې وزارت له هڅو ستاینه وکړه.
همدارنګه، څه موده وړاندې هم په لوګر ولایت کې د ۸۱ مېلیونه افغانیو په لګښت ۷ بابه ښوونځي جوړ او فعال شوي وو.
