په میدان وردګ ولایت کې د یو باب ښوونځي لپاره د اوبو رسولو شبکه جوړه شوه
د میدان وردګ ولایت په مرکز کې د کهنه خمار لومړني ښوونځي لپاره اوبو رسولو شبکه د ۱۷۰ زره افغانیو په لګښت، د ماشومانو له زدهکړې سره علاقه لرونکو لخوا جوړه شوه.
د پوهنې ریاست مسئولینو وویل چې د دې پروژې په ترڅ کې یو حلقه څاه کیندل شوی او د لمریزې برېښنا تجهیزات هم چمتو شوي دي.
هغوی په خپلو ویناوو کې دغه اقدام د زدهکوونکو لپاره د اسانتیاوو برابرولو په لور یو مهم ګام وباله.
د یادونې وړ ده چې د میدان وردګ ولایت خلکو په تېرو وختونو کې هم د مختلفو مرستو په کولو د اړینو تعلیمي اسانتیاوو په برابرولو کې فعال رول لوبولی دی.
