په میدان وردګ ولایت کې له تعلیمي مرکزونو سره څه د پاسه ۱.۴ مېلیونه افغانۍ مالي مرسته شوې
د میدان وردګ ولایت پوهنې ریاست راپور له مخې، د ښوونځیو شوراګانو (د ښوونځیو چارواکو، ښوونکو، د زدهکوونکو والدینو، مشرانو او د سیمې اوسېدونکو) د روان لمریز کال په اوږدو کې له ښوونیزو مرکزونو سره ټولټال ۱مېلیون ۴۳۴ زره ۳۴۵ افغانیو په اندازه مالي مرسته کړې ده.
د یاد ولایت د پوهنې رئیس مولوي محمد عثمان حریت په وینا، دغه مرسته د ترمیم، پاکو اوبو او نورو تعلیمي اسانتیاوو برابرولو او د سالم ښوونیز چاپېریال رامنځته کولو لپاره لګول شوې ده.
د پوهنې وزارت مشرتابه له ښوونیز نظام سره د خلکو، په ځانګړې توګه د میدان وردګ ولایت د اوسېدونکو له ملاتړ هرکلی او ستاینه کوي.
