پکتیا ولایت کې د ښوونځیو لپاره د ۳۱،۵ مېلیونه افغانیو په لګښت اړین ملحقات او احاطوي دېوالونه ورغول شول
د پکتيا ولايت پوهنې رياست څخه په خپره شوې خبرپاڼه کې راغلي، چې د "واش" پروګرام په چوکاټ کې، د مرکز اړوند د نورانشاه لومړني ښوونځي په ګډون د ۶ بابه ښوونځيو اړین ملحقات او احاطوي دېوالونه جوړ شوي دي.، چې په رغونه یې ټولټال ۳۱،۵ مېلیونه افغانۍ لګښت راغلی دی.
د يادو پروژو د پرانیستلو پر مهال د دغه ولایت مرستيال والي الحاج مولوي انعام الله صلاح الدين او پوهنې رئيس الحاج مولوي عبدالقيوم فاروقي د ټولنې په اصلاح کې د پوهنې پر اهميت خبرې وکړې او له خلکو يې وغوښتل، چې د هېواد له پوهنې څخه خپل مالي او معنوي ملاتړ ته لاپسې دوام ورکړي.
د سیمې خلکو د هېواد بچیانو لپاره د دیني او عصري زده کړو د زمینې برابرولو په برخه کې، د پوهنې وزارت د مشرتابه له پاملرنې مننه وکړه.
