د لوګر د پوهنې ریاست د علمي همکاریو هوکړه لیک لاسلیک کړ
د پوهنې وزارت، لوګر: د لوګر د پوهنې ریاست او د دغه ولایت د دولتي پوهنتون تر منځ د علمي همکاریو هوکړه لیک لاسلیک شو.
یاد هوکړه لیک د پوهنې رئیس سرمؤلف سید عزیز احمد هاشمي او د یاد پوهنتون د ښوونې او روزنې پوهنځي د رئیس پوهنیار عبدالعزیز عابد تر منځ لاسلیک شو.
د یاد هوکړه ليک له مخې به، د لوګر پوهنتون د ښوونځیو ښوونکو ته د لوړو زده کړو د زمینې برابرولو ترڅنګ ښوونکو ته به لنډ مهاله روزنیز پروګرامونه جوړوي.
دغه راز د لوګر د پوهنې ریاست به په خپلو ښوونځیو کې د یاد پوهنتون د ښوونې او روزنې محصلینو ته د عملي او تجربوي زده کړو د زمینې برابرولو تر څنګ به د دغه پوهنځي فارغانو ته د کار زمینه برابروي.
د لوګر د پوهنې رئیس سید عزیز احمد هاشمي د یاد هوکړه لیک پر لاسلیک کېدو خوښي وښوده او زیاته یې کړه، چې د دغه هوکړه لیک پر بنسټ به ښوونکو ته د لوړو زده کړو زمینه برابره شي او هم به د ښوونکو د ظرفیتونو لوړولو لپاره روزنیز پروګرامونه جوړ شي.
