له مرکز او ولایتونو څخه د پوهنې لنډ خبرونه
لغمان
د لغمان ولایت د الیشنګ ولسوالۍ د پوهنې آمر د دغه آمریت له کارکوونکو سره ناسته وکړه او په یاده ولسوالۍ کې یې د اداري اصولو له مخې د ورځنیو کړنو او نورو اړوندو مسایلو په باب خبرې وکړې.
کابل
د کابل ولایت د چهارآسیاب ولسوالۍ د پوهنې او تعلیمي څارنې آمرینو د یونیسف او OCCD د سیمه ییزو دفترونو له استازو سره وکتل او د یادو دواړو بنسټونو ترمنځ د ستونزو د حل او د لازیاتې مرستې په باب یې خبرې وکړې.
د يو بل خبر له مخې
د کابل ولايت د ده سبز ولسوالۍ د پوهنې آمر په دې ولسوالۍ کې د PIN موسسې له روزونکي خالد غني سره وکتل او د ګډو فعاليتونو، د سيمينارونو په جوړيدو او نورو اړوندو موضوعاتو يې ټينګار وکړ.
بادغیس
په بادغیس ولایت کې د یونیسف سیمه ییز دفتر د دغه ولایت د پوهنې ریاست لپاره ۴۵ خیمې مرستې وکړې.
د دغه ولايت د ښوونې او روزنې آمر د يادې شوې ادارې ستاينه وکړه او د بادغيس ولايت د ښوونې او روزنې د لا پياوړتيا په برخه کې يې د نورو مرستو غوښتنه وکړه.
ننګرهار
د ننګرهار ولايت د پوهنې رئيس مفتي حبيب حضرت حقاني د دغه ولايت د بېلابېلو ادارو او ۲۲ ولسواليو له آمرینو سره ناسته وکړه او د تېرې يوې مياشتې کاري راپورونه يې واوريدل.
