د پکتیا د پوهنې ریاست د دریمو او څلورمو خالي بستونو لپاره ازموینه واخېستل شوه
د پکتیا ولایت د پوهنې ریاست د ۳۰ خالي بستونو د ډکولو لپاره د آزادې سیالۍ له لارې له سلو کسانو څخه از موینه واخیستل شوه.
هغه غونده، چې د نوموړې از موینې د اخیستلو په موخه د پوهنې ریاست د غونډو په تالار کې جوړه شوي وه ، د ولایت مقام مسوولینو په ګډون دپوهني رییس استاد کوچي ځاځي، د اصلاحات اداری کمسیون آمر او د ولایتي شورا غړو ګډون درلود.
د پکتیا د پوهنې رییس کوچي ځاځي د دې ازموینې د پیل پر مهال وویل، چې د ازموینې په بهیر کې به هېچا ته د مداخلې حق ور نه کړي او ټول کسان به په خپل استعداد یادو بستونو ته ټاکل کېږي.
دغه ازموینه د پوهني وزارت د مقام د لار ښووني سره سم دیوي څانکړې کمیتې په حضور کې له شرایطو سره برابر سلو تنو پکي ګډون کړي و واخیستل شوه، چې له از موینې دنتایجو له اعلانولو وروسته به۳۰ تنه دبریالیتوب په صورت کي په دریمو اوڅلورمو بستونو کې په دندو وګمارل شي.
دیاد ونۍ وړ ده، چې دروان کال له شروع تر اوسه پورې په نوموړي ریاست کې د آزادې سیالۍ له لارې یو شمیر کسان په دندوګمارل شویدي.
