د پوهنې وزارت د دعوت او ارشاد ریاست پلاوي د کابل ښار له یو شمېر لیسو څخه لیدنه وکړه
د پوهنې وزارت د دعوت او ارشاد د رئیس مولوي جمعه خان سروري په لارښوونه، د یاد ریاست د مدیرانو او مسئولینو په ګډون یوه پلاوي، په جلا جلا توګه د کابل ښار هود خېل نمریک او علي احمد پوپل لېسو څخه لیدنه وکړه؛ له آمرینو او زده کوونکو سره یې وکتل.
غونډې د قرآن عظیم الشان د څو مبارکو آیتونو په تلاوت سره پیل شوې.
ورپسې د یادو لېسو آمرینو د پوهنې وزارت د د دعوت او ارشاد ریاست پلاوي ته ښه راغلاست ووایه.
په ورته مهال، د پوهنې وزارت د دعوت او ارشاد ریاست پلاوي د ټولنې په نظم او پرمختګ کې د اسلام د سپېڅلي دین د لارښوونو په عملي کولو ټینګار وکړ او له ښوونکو یې وغوښتل تر څو په راتلونکي کې یو بااستعداده نسل ټولنې ته وړاندې کړي.
دغه راز پلاوي په یادو لېسو کې زده کوونکو ته د دیني درسونو د تدریس په موخه مبلغین هم وګمارل او له زده کوونکي یې وغوښتل، چې د دیني درسونو په حلقو کې برخه واخلي او له یادو درسونو څخه اعظمي ګټه پورته کړي.
په پای کې د يادو لېسو مسئولينو د پوهنې وزارت د دعوت او ارشاد رياست د پلان هرکلى وکړ او ژمنه يې وکړه، چې د هغه په پلي کولو کې به هر ډول همکاري وکړي.
