د ولایتونو له پوهنې ډګره څو لنډ خبرونه
![145](/sites/default/files/2023-11/whatsapp_image_2023-11-27_at_12.13.44_pm.jpeg)
کندهار
د کندهار ولایت مرکز اړوند د احمدشاه بابا عالي لېسې ادارې او د لېسې د شورا په هلو ځلو، د يادې لېسې مات شوي مېزونه او چوکۍ ترميم، درسي ټولګي رنګ او په نويو غاليو فرش شول.
د کندهار پوهنې رياست له دغه نېک اقدام څخه مننه وکړه.
لغمان
د لغمان ولایت پوهنې رئیس مولوي شاه جهان ساجد، د پوهنې د یوه همکار بنسټ ساحوي دفتر د ښوونې او روزنې له رئیس سره په کتنه کې، په یاد ولایت کې د ۸۲ سیمه ییزو ټولګیو د تجهیزاتو د لېږد په اړه لیدنه او خبرې اترې وکړې.
سمنګان
د سمنګانو ولايت پوهنې رياست له ٥٣٠ تنو نوماندانو څخه چې ٢٧٢ يې ښځې وې، ډله ييزه آزموينه واخيسته.
په پام کې ده، هغه کسان چې لوړې نمرې ترلاسه کړي، د یاد ولایت په بېلابېلو ښوونځیو کې د ښوونکو په توګه وګمارل شي.
بلخ
د بلخ ولایت پوهنې ریاست او د یاد ولایت د نحبګان خصوصي پوهنتون ترمنځ یو علمي هوکړه لیک لاسلیک شو.
دغه هوکړه ليک د بلخ ولايت پوهنې رئيس الحاج مولوي عبدالجليل شهیدخېل او د نخبګان خصوصي پوهنتون د مسئولينو ترمنځ لاسليک شو.
د یاد هوکړه لیک له مخې دغه پوهنتون ژمن دی، د لوړو زده کړو لېوال کسان چې د بلخ پوهنې ریاست له خوا د انجنیرۍ، حقوقو، اقتصاد او کرنې په برخو کې معرفي کېږي، په وړیا توګه په دغه پوهنتون کې د شاملېدو په موخه ومني.