چند خبر کوتاه از معارف ولایت های کشور

پروان:

جلسه کمیته سواد آموزی ریاست معارف ولایت پروان تحت ریاست مفتی محمد ادریس انور معاون مقام ولایت پرون با اشتراک مولوی سید محمد فیضی و مسئولین ریاست معارف آن ولایت برگزار گردید.

رئیس معارف از مسئولان ادارات و نهاد های همکار خواستار تقویت برنامه های سواد آموزی در آن ولایت گردید.

لغمان:

جلسه سکتوری ریاست معارف ولایت لغمان تحت سرپرستی آمر مالی و اداری آن ریاست، با حضور مسئولین ادارات محلی و نماینده گان نهادهای همکار با معارف برگزار گردیده و در زمینه تصامیم لازمی اتخاذ نمودند.

کندز:

مولوی حزب الله مبشر رئیس معارف ولایت کندز با نماینده‌گان ولایتی یک نهاد همکار با معارف دیدار و ملاقات کرده و روی موضوعات مختلف کاری از جمله تسهیل امکانات تعلیمی وتربیی برای اطفال و برگزاری برنامه‌های تعلیمی تقویتی بحث و گفتگو نمودند.

باز هم از ولایت پروان:

رئیس معارف ولایت پروان از ابتدائیه پارچه( حصه) ۱۳ و لیسه پارچه ۱۱ شهرچاریکار مرکز آن ولایت دیدن کرده وبرای استادان و شاگردان در پیوند به موضوعات تدریسی آنها مشوره های لازمی سپرد.

هلمند و تخار:

ریاست های معارف ولایت های هلمند و تخار مسابقه ا/مارت شناسی را میان شاگردان مکاتب و مدارس ولایت های مربوطه شان، راه اندازی نمودند.

مسئولین هدف از برگزاری این برنامه را بلند بردن سطح آگاهی جوانان از نظام و کارکردهای ا. اسلامی بیان نمودند.