په دایکنډي ولایت کې د يو باب ښوونځي الحاقيه پرانیستل شوه
د دایکنډي ولایت مرکز نیلي ښار اړوند د هوايي ډګر تر شا د پولیسو په ښارګوټي کې، د يو باب ښوونځي الحاقيه څانګه، د پوهنې رئیس قاري عنایت الله سهار، دیني علماوو او د زده کوونکو د والدینو په ګډون د یو لړ مراسمو په ترڅ کې پرانیستل شوه.
ياده الحاقيه د اړوند ولایت د پوهنې ریاست په وړاندیز او د پوهنې وزارت په منظورۍ تاسيس شوه.
دغه ښوونیز مرکز له لومړي څخه تر دويم ټولګي پورې ۵۵ تنو زده کوونکو ته په خوندي او مناسب چاپېریال کې د زده کړو آسانتيا برابره کړه.
د مراسمو په پای کې د دايکنډي د پوهنې رياست له لوري د يادې الحاقيې په زده کوونکو ښوونيز توکي او فرشونه ووېشل شول.
