په میدان وردګ ولایت کې د یو باب لومړني ښوونځي بیارغاونې چارې پیل شوې
د میدان وردګ ولایت په دایمیرداد ولسوالۍ کې د شهید سبحان الله لومړني ښوونځي د بیارغونې او بشپړولو د پروژې عملي چارې چې: د استنادي او شاوخوا دیوالونو جوړول، د څښاک پاکو اوبو څاګانو کیندل او داسې نور اړین ملحقات په کې شامل دي، پيل شوې.
د یاد ولایت د پوهنې رياست مسئولينو د معلوماتو له مخې: دهمدې ښوونځي ودانۍ چې په ۴ جرېبه ځمکه کې جوړېږي، ټولییز لګښت یې ١٠ اعشاریه ۵ ميليونه افغانۍ دى، چې د پوهنې په برخه کې د يو مرستندویه بنسټ له خوا ورکول کېږي.
د دې پروژې د پرانېستې په مراسمو کې، د یاد ولایت د پوهنې رئیس مولوي محمد عثمان حریت سربېره، د سیمه ییزو ادارو یو شمېر مسئولینو او علماوو هم حضور درلود.
