په نیمروز ولایت کې د یو باب دارالعلوم نوې ودانۍ پرانیستل شوه
د نيمروز ولايت خاشرود ولسوالۍ اړوند په تيپه ناوی کلي کې «دعارفيه دارالعلوم » ودانۍ جوړه او د زده کوونکو پرمخ پرانيستل شوه.
د یادې ولسوالۍ د پوهنې مسئولينو د معلوماتو له مخې: ياد دارالعلوم په ١۴٤٤ هجري قمري کال کې جوړ شوى، چې اوسمهال يې د جوړېدو چارې بشپړې شوې.
ياد دارالعلوم د دې ولسوالۍ د خلکو او ملي سوداګرو په مالي مرسته رغول شوى، چې يو ميليون او ۱۰۰ زره افغانۍ لګښت پرې راغلى دى.
د نیمروز ولایت خاشرود ولسوالۍ اوسېدونکو د پوهنې وزارت له مشرتابه څخه د خوښۍ په څرګندولو سره، د یاد دارالعلوم په جوړېدو خوښي څرګنده او د همدغه ولایت د پوهنې مسئولينو د هڅو ستاينه يې وکړه.
