په کابل ولایت کې د یو ښوونځي د ودانۍ بنسټ ډبره کېښودل شوه
د کابل ولایت د میربچه کوټ ولسوالۍ پوهنې آمریت او سیمه ییزو ادارو په استازیتوب په یاده ولسوالۍ کې د "خروټي" منځني ښوونځي د ودانۍ بنسټ ډبره کېښودل شوه.
یاد ښوونځی په درې جرېبه ځمکه کې جوړېږي، چې د درسي ټولګيو او اداري خونو ترڅنګ به نور اړين ملحقات هم ولري. که څه هم د ياد ښوونځي د جوړېدو لپاره د ځانګړو شویو پيسو په اړه څه نه دي ويل شوي؛ خو ټاکل شوې چې دغه ښوونځی د یادې ولسوالۍ د خلکو په مالي مرسته جوړ شي.
مسئولینو او ویناوالو هر یو په خپل وار سره د ښوونیزو بنسټونو د جوړولو او د هېواد بچیانو د سالمې روزنې په اهمیت خبرې وکړې او د تعلیمي ځایونو جوړول یې له صدقه جاریه کارونو څخه وبلل.
مسئولينو او زده کوونکو هم د خپل ښوونځي د نوې ودانۍ له جوړېدو خوښي څرګنده او په دې بaرخه کې يې د پوهنې وزارت له پاملرنې مننه وکړه.
