د پکتیکا ولایت پوهنې ریاست ودانۍ بیارغول کېږي
د پکتیکا ولایت د پوهنې ریاست د شته تاسیساتو د بیارغاونې او پراختیايي پروژو چارې پیل شوې.
د یاد ولايت پوهنې رئيس مولوي عبدالوکيل خالد د همدغې ادارې په انګړ کې د یو محراب جومات بيارغونې او پراختيا له پيل څخه د ليدنې پر مهال، اړوند ساختماني شرکت ته سپارښتنه وکړه، چې له کيفيت لرونکو ساختماني توکو څخه کار واخلي او څرګنده يې کړه: په يادو پروژو کې د پوهنې ریاست د ودانۍ ترمیم، د جومات پراختیا او د پارک د جوړولو برخې شاملې دي، چې ټولټال ۲مېلیونه افغانۍ لګښت ورته ځانګړی شوی دی.
