د باميان ولايت پوهنې رئيس د پوهنې وزارت د اسلامي زده کړو له معین سره وکتل
د بامیان ولایت پوهنې رئیس قاري عنایت الله سهار د پوهنې وزارت د اسلامي زده کړو له معین الحاج مولوي کرامت الله آخندزاده سره په لیدنه کې، د یاد ریاست د دندو، پرمختګونو او شته ننګونو په اړه نظرونه تبادله کړل.
دغه راز د بامیان ولایت پوهنې رئیس د دغه ریاست یو لړ وړاندیزونه او ستونزې د پوهنې وزارت د اسلامي زده کړو له معین سره شریکې کړې.
د پوهنې وزارت د اسلامي زده کړو معین د باميان ولايت د پوهنې رياست له کړنو څخه د ستاينې په ترڅ کې، د دغه رياست رهبرۍ ته ډاډ ورکړ چې د ياد رياست وړانديزونه او ستونزې به د حل په موخه د دغه وزارت له مشرتابه سره شريکې کړې.
په پاى کې د باميان ولايت پوهنې رئیس د اسلامي زده کړو له معین څخه مننه او قدرداني وکړه، کوم چې له مصروفيتونو سره سره يې ورته د لیدنې لپاره وخت ځانګړی کړ.
