د پکتیا ولایت ښوونځیو سره د درسي توکو مرسته وشوه
د یوې همکارې ادارې لخوا، د پکتیا ولایت پوهنې ریاست سره، د تدریسي او ښوونیزو موادو د ۲۸۰۳ کڅوړو مرسته وشوه.
دا کڅوړې چې ۱۰ ډوله تدریسي مواد پکې شامل دي، ټاکل شوې ده، چې د نوي ښوونیز کال له پیل سره سم، د پکتیا ولایت پوهنې ریاست لخوا د یاد ولایت د ښوونځیو ۵۶۶۰۶۰ تنو زده کونکو ته ووېشل شي.
د پکتیا پوهنې رئیس الحاج مولوي عبدالقیوم فاروقي د پورته ذکر شویو موادو مرسته د تدریسي کیفیت او د زده کونکو د تعلیمي وړتیاوو په لوړولو کې خورا اغېزمنه او مهمه وګڼله او په راتلونکي کې یې د دې ډول مرستو د دوام غوښتنه وکړه.
د پوهنې وزارت مشرتابه د ټولو هغو ادارو له مادي او معنوي ملاتړ څخه مننه کوي، کوم چې د پوهنې سره همکاري کوي.
