د پکتیکا ولایت ارګون ولسوالۍ کې د ښوونځیو د زده کوونکو وینې ګروپ په وړیا ډول تشخیص کېږي
د هغه هوکړه لیک پر بنسټ چې د پکتیکا ولایت پوهنې مسئولینو او د ارګون ولسوالۍ خصوصي روغتیايي سکټور تر منځ لاسلیک شو، د یادې ولسوالۍ د ښوونځیو زده کوونکي کولی شي، د خپلې وینې ګروپ د دغې ولسوالۍ په ټولو خصوصي روغتیایي لابراتوارونو کې په وړیا ډول تشخیص کړي.
د پوهنې مسئولينو په وينا، د بېړنيو حالاتو لپاره د زده کوونکو د وينې ګروپ معلومول د روغتيا له پلوه يوه بېړنۍ اړتيا ده او په پېژندلو سره به يې د ډېرو ستونزو مخه ونيول شي.
